Viðurkenning íslenskra stjórnvalda á sjálfstæði og fullveldi Palestínu innan landamæranna frá því fyrir sex daga stríðið árið 1967 var samþykkt af Alþingi Íslendinga þann 29. nóvember s.l. (sjá hér). Af því tilefni verður haldin formleg athöfn í Þjóðmenningarhúsinu kl: 10:30 á fimmtudaginn 15. desember n.k.
Seinna um daginn, kl: 14:45 mun utanríkisráðherra Palestínu, Dr. Riayd al-Maliki, halda erindi í Norræna húsinu, á vegum Alþjóðamálastofnunar Háskóla Íslands (sjá hér að neðan).
Electronic intifada
Ma'anFélagið Ísland-Palestína sýnir heimildamyndina Open Bethlehem eftir Leilu Sansour laugardagskvöldið 10 júní kl. 20:30 í Bíó Paradís, Hverfisgötu 53 í Reykjavík. Myndin er með ensku tali og er um 90 mínútur að lengd.
ENGIN AÐGANGSEYRIR – allir velkomnir.
► Fjáls framlög renna óskipt til AISHA, sem eru samtök sem styðja konur og börn á Gaza sem orðið hafa fyrir ofbeldi.
► Eftir myndina er stefnan að tylla sér á kaffistofuna í bíóhúsinu fyrir óformlegt spjall.
► Tilvalið að kíkja við ef þú vilt vilt fræðast um ástandið í Palestínu – og/eða starfsemi félagsins.
……………………………………………….
OPEN BETHLEHEM
Kvikmyndagerðarkonan Leila Sansour snýr til heimaborgar sinnar, Bethlehem, til að gera heimildamynd um borgina. Þá er aðskilnaðarmúrinn í þann mund að umlykja Bethlehem og landtökubyggðum fjölgar ört. Leila er sjálf dóttir prófessorsins Antons Sansour, sem var stofnandi háskólans í Bethlehem og hetja í augum bæjarbúa. Honum tileinkaði hún myndina. Leila kemur með félögum sínum á fót verkefninu Open Bethlehem til að vekja athygli umheimsins á ástandinu, til að berjast gegn því að Bethlehem, með fjölbreytta sögu sína og menningu, fæðingarstaður Jesúsar í kristinni trú en einnig helgur í gyðingdómi og islam, verði gyrt af og sundurliðuð og fyrir því að hún verði opinn almenningi og íbúarnir njóti ferðafrelsis.
Myndin spannar sjö ár og við kynnumst í senn fegurð bogarinnar, harðneskju hernámsins og andófi fólksins.
Í kjölfar myndarinnar var stærsta ljósmyndasafni um Bethlehem í heiminum komið á fót. Verkefnið Open Bethlehem heldur jafnframt áfram og hvetjum við fólk til að kynna sér það á heimasíðu myndarinnar.
Open Bethlehem hefur verið sýnd á kvikmyndahátíðunum Britdoc, San Fransisco Jewish Film Festival, og kvikmyndahátíðinni í Dubai við mikið lof og hlaut áhorfendaverðlaun á palestínku kvikmyndahátíðinni í Boston.
…………………………………………..
Heimasíða myndarinnar
Stikla myndarinnar
© 2010 - Félagið Ísland-Palestína | Depluhólar 9, 111 Reykjavík Sími/fax: 553 1302 |  |
Reikningur neyðarsöfnunar: 0542-26-6990 |
