Nýarsgjöfin í ár – fleiri gervifætur til Gaza

Nýarsgjöfin í ár - fleiri gervifætur til Gaza Fimmtudagur 30. desember 2010

Sendu gervifætur til Gasa

Fjórir félagar í Félaginu Ísland-Palestína héldu til Gaza fyrir jólin með efni í 36 gervifætur til viðbótar þeim sem smíðaðir voru í maí í fyrra og í nóvember síðastliðnum af liðsmönnum Össurar Kristinssonar og fyrirtækis hans OK Prosthetics.
Í haust var lögð áhersla á að ljúka þjálfun fólks á staðnum í smíði gervifótanna með aðferð Össurar sem gerir þeim kleift að smíða limina hvar sem er og ljúka verkinu á einum til tveimur klukkustundum í stað allt að tveggja vikna. Tvær palestínskar konur, stoðtækjasmiðir sem fengu sérþjálfun hjá Óskari Lárussyni, eru nú að hefjast handa við smíðar úr nýkomna efninu á einstaklinga sem misst hafa ganglim fyrir neðan hné. Áður höfðu 42 einstaklingar á ýmsum aldri, allt niður í sjö ára, fengið gervifætur frá OK Prosthetics og Félaginu Ísland-Palestína.

Félagið Ísland-Palestína safnar hverju sinni fyrir efniskostnaði við fæturna, sem er um 700$ eða rúmlega 80 þúsund kr. í dag. Sá kostnaður er aðeins lítill hluti af venjulegu verði gervilima.

Nú er í gangi Neyðarsöfnun fyrir Gaza á vegum FÍP og renna framlög merkt „Gervifætur til Gaza“ beint og óskert til þessa verkefnis. Reikningsnúmer er 542-26-6990, kt. 520188-1349.

Frekari upplýsingar veitir Guðfinnur Sveinsson í síma +972598068333 eða á guffi89@gmail.com.

Umfjöllun í miðlum:

[Show picture list]